0.5 ştat vahidi ilə işləyən işçinin əmək haqqı minimum...

Əmək Məcəlləsinin 155.3-cü maddəsinə əsasən aylıq iş vaxtı normasını (40 saat) işləmiş və əmək funksiyasını yerinə yetirmiş işçinin aylıq əmək haqqı dövlət tərəfindən müəyyən edilmiş minimum əmək haqqı məbləğindən aşağı ola bilməz. Nəzərdə tutulan minimum əmək haqqı məbləği 1 ştat vahidi üçün nəzərdə tutulmuşdur.

Əgər işçi aylıq iş vaxtı normasını (40 saat) tam işləmirsə, əmək haqqı onun faktiki işlədiyi işə mütanasib hesablanır və bu halda əmək haqqı məbləği minimum əmək haqqından az ola bilər. İşəgötürən bu məsələni əmək müqaviləsində və ya işəqəbul əmrində əsaslandıra bilər.